... een winstgevende bezigheid!

"Ja, azz'ich èrres wil van kalle, dan is ta zeker al eujver de rivierkreefte. De rivierkreefte, oa da krioelde van de rivierkreeft, é. Ja, vieë warre nie zoe happig op tèè bieskes omda vie liever visde.Vie voenge liever viskes en dan voele dèè krifte oas lejstig, hé. Ma doa warre dan toch minse in betere doening out 't Léûkse en van Toengere, dèè koeme no hèèje. Èn dèè koeme hèè krifte vange. Oaze vrugere börgemiester, Pierre Grejëve, dieë voenk ooch krifte. Dan haan ze nette be vlejsafval da se inne beek zatte, ron nètsjes. Èn doa kroepe dan dèè krifte op en zoe voenke ze dan nen iemer krifte. Èn dan koste dèè minse krift ieëte.

Doa was inne barron, die haa ooch trèk en oas rivierkrift hèèj'obbe Mombeek. Ma die koem hèè nie gjâân zitten omdat da gie zicht was. Hieë was barron en hie hèè bè nètten anne beek zitte keume bè wa vlejsafval op, da was gi zicht. Doaveur inne Bèkstrooët, hèèje Kooë Steeg wor da vruger, in de Kooë Steeg, dan sproek ter de joeng mannen onj en hee zej: "Hèè ès matterjoal, gotj mich krifte vange". Èn dan goef ter dèè manne ewa kleegejld, en dan warren dèè gelökkig en hee ooch nattuurlijk. Zoe oet tie oog van oos krifte.

Èn, da was toch noch iet interessant, dee krifte, want wèè ve eujver beveurbëld vèèftientwintig joar hèè be dèè nattuurvereniging begoste, doen begrepe de minse ter niks van wèè da allemoal in mekaandere zoet bè dèè krifte want ze haan ze leve gezin hèè want tèè warre doen al weg. Ma vie wisten va wèè ve tien joar warre da 'n krift 'r joengskes tegen h'ren onderbuik geplakt, gekleefd, da dèè dèè miedroeg, da wiste vee van doen. Ma da wis hèèje gin ien van da vollek da bè oas mieloep en dieën tèèd. Ze lieëve haan dèè da gehuujerd of gezin. Èn zoe drage dèè ooch hun èètsjes mie, hé. Da ès 'n fatsounlek bies. Dee warren ni allemoal eve grout vruger. Bréûn, loajt oas zègge zoe vââlbrouen. Dzje tèè gewoun op tieë schonne bojjem, dzje zoeg tèè zitte, hé, moe gien wetterplante stonte nattuurlijk. Ma dèè haan wel pèèjpen opzèè, zoe inne beek, ja dèè haan pèèjpe nattuurlek.

Omda oas Mombeek, dèè ontspringt in e kallekrèèk gebied en dèè stroomt nog dur e kallekrèèk gebied en krifte dèè hebbe kallek noudig vur dieë schild te vörreme èn doobèjje zoete hèè krifte. Want in gien ejn aander beek, nie in de Herrek, ooch nie, nattuurlijk ma de Herrek al zeker nie vanaf de brouwerèè, dèè was al hillegans nemie geschikt omda dèè vervuild war. Èn oos aa Mombeek was hielegans nie geschikt, dèè ontspringt mar inger in Kotshoven of èrres, dèè kump nie in da kallakrèèk gebied.

Uit: Sint-Lambrechts-Herk / Warm aanbevolen (2011), p. 101.